Día da Poesía

O cravo no corazón

Eu tiña unha arela:

¡quería ser Flor!

E un día,unha fada,

rosiña cheirosa,xentil,me tornou.

Lucín no teu peito,

sentín latexos do teu corazón.

¡O lume era tanto e estaba tan preto

que a rosa queimou!

Ramón Cabanillas

Poema

Preguntaba un neno ó vento

se lle podía encargar

un anaquiño de ceo

para podelo pintar.

O ventiño contestoulle:

"Non é doado,rapaz,

porque o ceo está doente

e téñeno que sandar".

O neno quedou calado

e marchou de alí correndo.

Deulle ó vento unha menciña

para que a levase ó ceo.

Antonio García Teijeiro