A pomba dona Paz

Dona Paz é unha pombiña que vive a rentes do ceo. Nunha casiña moi linda entre as torres dunha igrexa. En canto o día amence vai pasear moi cediño, para ver que cousas pasan polas prazas e os camiños.
O día 30 de xaneiro celébrase o Día Escolar pola Paz en conmemoración da morte de Mahatma Gandhi, unha data que contribuíu nos centros educativos de xeito moi especial á difusión da Educación para a Paz.
A pomba dona Paz é un relato para que os lectores e lectoras máis novos participen tamén dos valores da construción pacífica da sociedade e da cidadanía democrática.
Un libro que é un vieiro da esperanza cara a un mundo en paz e igualdade.

Dona Paz

Dona Paz saíu a pasear

e volveu sentíndose mal,

pois dáballe moita pena

o que vía pasar.

Había xente moi enfadada,

pegándose bofetadas;

con tanques e con misiles

facían guerras a miles.

"Carai que mundo máis feo!

O precioso que sería si todos

fosen amigos!".

Dona Paz sufría e sufría,

pero os homes

ningún caso lle facían.

"Si isto non se arregla

-pensou dona Paz-

ó planeta Marte

terei que emigrar".

Ramón Caride